Gula 8
Kun ngitngit man didto sa sayawanan sa kabaret, mas grabe ang kangiob sa gamay’ng kuwarto nga gisudlan nila ni Berto ug sa babaye nga iyang kapares sa pagsayaw. Suga ra nga kolor violet maoy naghatag og dan-ag.
Dili gihapon maklaro ni Berto ang panagway sa babaye nga iyang kapares tungod sa kangiob sa sulod. “Ayaw’g saba kay adunay tawo sa pikas kuwarto,” gihunghongan si Berto sa babaye. Wala maglangan ang babaye, mao kini ang mitangtang sa botones sa karsones ni Berto.
Si Berto nga wala makasuway niini, abtik kaayo nga nakasibog. Nagpabilin sa iyang kaisipan ang bukidnon nga kinaiya nga manggiulawon kaayo sa mga babaye. Apan gigakos si Berto sa babaye ug gihagkan.
“Dali na ayaw pagdugay-dugay diha,” matud sa babaye. Gibati ni Berto ang kaalimuot sa gamay’ng kuwarto nga ilang gisudlan. Nakabantay si Berto nga dali ra kaayo’ng nakahukas sa iyang gisul-ob ang babaye.
Nahikap niya nga wala na kini sapot. Diha-diha nga takulahaw lang mituskig ang iyang pagkalalaki. Abtik kaayo si Berto nga mihukas sa iyang sapot ug pantalon aron angkonon ang iyang kapares sa sayaw.
Namatngonan ni Berto nga miaksyon na pagkusog ang iyang gininhawa. Mainampingon sila nga mipahiluna sa gamay kaayo nga higdaanan ug takulahaw lang nga mihari ang kamingaw sa lawak.
Didto sa gawas sa kuwarto, nahimuot kaayo si Elizar nga nakadalit og kalipay sa iyang uyoan nga karon pa nakaanhi og siyudad. Sigurado siya nga malukop kini’g panabi inigpauli niini sa ilang dapit sa bukid kabahin sa iyang kasinatian dinhi.
Kapin na sa tunga sa oras ug bana-bana ni Elizar manggawas na karong taud-taud gikan sa kuwarto ang iyang uyoan ug ang dancer sa kabaret. (Sumpayan)