Dear Inday Misyel,
Ang akong problema kabahin kini sa among inahan. Lima mi ka managsuon. Iya mi’ng gibiyaan kay manarbaho kuno siya sa Cebu. Apan gikan sa iyang paglarga, kaduha ra g’yud siya nakapadala og tag P500. Hangtud karon wala na siya nagpahibalo kun asa na siya ug gimingaw na kami kaniya apan naghambin ‘sab og kasilag. May nakasulti namo nga dunay laing kapuyo ang among inahan.
Gisagop kami sa among apohan kay nagbuwag na man g’yud sila ug si papa. Kun moabot ang panahon nga mouli ang among inahan angay pa ba namo siya nga dawaton ug pasayloon? Palihug tambagi ko Inday Misyel. -Stupid Lover
* * *
Dear Stupid Lover,
Una sa tanan, respetahe ang imong inahan ug amahan. Sunda kini aron ikaw dunay mapaabot nga kinabuhi’ng maayo gikan sa kahitas-an. Kun mahitabo’ng mobalik ang inyong inahan, dili angay kasilagan siya sa iyang mga sayop ug nabuhat nga nakapasakit ug nakapamahay kaninyo’ng mga anak. Angay dawaton siya ug pasayloon. Sa iyang pagbalik basin og makasabot na siya nga may pamilya nga nagmahal ug tinuoray nga kadangpan. Isalig ang tanan sa Ginoo ug ayaw pagpakawala sa paglaum. Kun ikaw adunay faith hayan ikaw ug ang imong mga igsuon dili matarog ug makabarog sa tanang unos sa kinabuhi. Have faith in GOD! -- Inday Misyel