Gula 107
“May isulti pa ko nimo, Jezebel,” nagkanayon si James.
“U-unsa kana?” Gisukit ko siya.
“Wa ka ba masuko nako?
“Nganong masuko man kuno ko nimo?”
“Tungod kay gitug-anan nako si Mama Elvira nga biktima ka sa rape bisan wala ko mangayo’g pagtugot gikan nimo.”
“Okey lang... tinuod man sab. Nakasabot ko sa imong gibuhat. Kinahanglang masayod ang imong inahan sa tinuod kun nganong imo kong nabangalan ug gidala dinhi sa inyong pinuy-anan. Angay lang aron makabaton siya’g pagsalig nako, di ba?”
“Salamat nga nakasabot ka sa akong tumong.” “Gawas pa, nagtuo ko nga gawas sa imong inahan. Wala ka nay laing tug-anan bahin sa mapait kong kasinatian sa akong pag-abot dinhi sa Cebu.”
“Makasalig ka kanako, Jezebel. Wa nay laing masayod sa nahitabo kanimo gawas lang namong duha ni Mama. Ang lintunganay’ng hinungdan kun nganong gitug-anan ko siya sa nahitabo nimo mao nga gusto kong makadawat siya nimo sa imong pagka-ikaw.”
“U-unsay buot mong ipasabot, James?”
Wala siya motubag sa akong pangutana.
“Pasabta ko, James,” nako pa. Please...”
Wala motingog si James. Igo lang siyang nanghupaw ug naglingo-lingo. Unya miduko siya sa akong atubangan. Gipahit niya ang iyang wait. – Sumpayan pa