Dear Inday Misyel,
Ako si Ruth, 16-anyos. Mangayo unta ko nimo og tambag kon unsaon nga ikakita nako ang akong namingawan nga amahan nga dugay na kaayo nga wala makita. Bisan unsa na lang ang akong paagi nga siya makit-an, gi-search nako sa Facebook apan wala mo-appear ang iyang ngalan. Ako unta siya pahibaw-on nga wala na si Mama Ling ug kami nalang sa akong mga manghod. Subra na ang among kalisud.- Ruth
Dear Ruth,
God bless you Ruth. Maayo unta og anaa ka sa maayong panglawas ug kahimtang uban sa imong mga igsuon. Dangop sa mga radio station aron ipanawagan ang imong amahan. Tingali sa kadaghan sa mga sibyaanan may makatug-an g’yud sa imong amahan nga nagpangita ka kaniya.
Pagbaton usab og hugot nga pagsalig sa Dios. Padayon sa pagpaduol sa Ginoo aron ang tanan nimong burden mapulihan og kaayohan ug masubay ka sa matul-id nga dalan. - IndayMisyel