Gula 33
“Kontrolahon una nato ang kaugalingon, Edward,” giingnan ko siya. “Dili una ta magpadala sa kainit sa pagbati sa kabatan-on. Nag-eskuwela pa kita. Tingali’g maapektohan ang atong pagtuon kon magpatuyang ta sa atong gibati.”
Inanay nga nakasabot si Edward sa akong gisulti. Nagkasabot mi. Wala mi magdungan paggawas sa cottage. Ako’y unang mibiya sa cottage nga among giokupar.
Naningkamot ko nga matarong ang akong paglakaw. Gipaninguha ko nga dili mokaang. Mahibulong unya sila kon magkaang-kaang kong maglakaw.
Nagpahatod ko’g habalhabal ngadto sa amo. Dili kaayo ko komportableng nagsakay sa maong sakyanan ilabi na nga naghapdos pa gihapon ang akong pagka-babaye bunga sa nahitabo namo ni Edward.
Apan giantos ko lang ang kahapdos basta makaabot ko sa amo. Sa akong pag-abot, midiretso ko sa akong lawak. Nanirado ko ug mihigda.
Nianang pagkahapon, nanilhig ko sa palibot sa balay. Dihang didto na ko nanilhig sa luyo sa balay, dihay nagsige’g panitsit nako.
Nahalingi ko aron pagsuta kon diin maggikan ang sitsit nga akong nabati. Didto sa may koral nga alambre duol sa usa ka punoan sa lubi, nakita ko ang usa ka kamot nga nagpangamay nako. -- Sumpayan pa