Samtang nanglaba si Lenlen ning sayong kahaponon sa banyo sa balay sa iyang amo, nitingog iyang selpon.Dunay niteks niya. Giundangan niya iyang pagkusokuso sa palanggana. Gipunit niya iyang selpon nga gipatong lang niya sa bangkito tupad niya dapit sa wala.
“I love you.†Mao ni nabasa ni Lenlen sa iyang selpon. Nakapahiyom siya. Kinsa kaha ning nagpadala sa maong mensahe? Nga wa man siya’y kateksmate. Wa sab siya’y admirer. Tiguwang na siya. Sayisinta na. Biyuda na. Nanarbaho lang isip maid, aron may ikasaparsapar sa iyang inadlaw’ng panginahanglan. May tulo na siya ka apo.
Segurado nga wrong send ning maong teks. Pero nakuryoso siya kun kinsa gyu’y nagteks. Basi’g kaila ra niya. Basi’g gikomedyahan siya. Gusto lang sab siyang makatawa.
“Kinsa man ni?†pangutana iyang gibalos sa nagteks.
“Si Gina Manto ni. Imong textmate, balig tulo na ka bulan. Gisugot na tika,†maoy balos sa nagteks. Nakaagik-ik si Lenlen. Ig-agaw niya si Gina. Biyuda na sab. Apan mas bata niya’g napulo ka tuig. Nangapo na sab.
Wa na lang nitubay si Lenlen sa teks. Di siya gustong maulawan iyang ig-agaw. Nga imbis sa teksmate ipadala ang mensahe, tua gihapon sa ig-agaw nga babaye.
Apan sa laing bahin, di sab tingale angay ikaulaw. Kay ang tawo gusto mang mahigugma ug gusto sang higugmaon. Labi na kun batabata pa sama ni Gina. Nakapahiyom si Lenlen pag-usab. Ug nibalik sa iyang pagpanglaba. (Katapusan)