Napili nga official photographer si Rey sa usa ka kasal nga gisaulog sa Metropolitan Cathedral usa ka sayong hapon. Samtang nagsige siya og pangudak paghuman sa kasal, nidalikyat gyud og pakighinabi niya ang amahan sa bride. Daw ka-edad ra ni Rey ang bride. Bayente siyete.
“Dong, Cardoso imong apilyedo?†sa hamtong lalaki nga nagsul-ob og hushi nga barong. Nasayod si Rey nga ang tawo, amahan sa bride, sa pagpaso ug sa iyang puwesto nga gilingkuran. Ug gikan pa sa hotel diin ang bride giareglar.
Dili ra ba, sir. Entice akong apilyedo,†ni Rey nga nag-adjust sa iyang camera. Nipahiyom og gamay sa tawo. May kahibulong.
Nitutok pag-ayo niya ang tawo. Daw nadismayo sa iyang tubag. Nakamatikod na siya ining tawhana sugod pa lang sa pag-picture taking gikan pa sa hotel diin nag-preparar ang bridal entourage. Sa hotel pa lang gilitratohan na ang bride sugod sa pagbutang og make-up ug pag-andam sa gown. Gilitratohan sab ang father, mother, sister ug relatives sa bride. Gilitratohan ang mga maid of honor, brides maid ug flower girl. Unya, samtang nagsige og tira si Rey sa iyang camera, nagsige og tan-aw niya ang amahan sa bride. Daw nakaila niya. O dunay isulti niya. Karon lang nakalugar sa paghuman sa kasal.
“Ngano man diay, Sir, nga nakapangutana ka?†ni Rey. Way laing ikasumpay.
“Kuan man gud. Duna ko’y best friend. Ricky Cardoso ang ngalan. You look very much like him. Including your mannerism. You are a younger version of Ricky Cardoso?†sa tawo nga mapahiyumon.
Ang ngalang Ricky maoy nahinumdoman ni Rey. Kaniadtong gamay pa siya diyot-diyot lang maglalis iyang papa ug mama. Mahisgutan ang ngalang Ricky nga kuno ex-boyfriend sa iyang mama. Unya karibal sa iyang papa.
“Mao ba?†ni Rey.
Igo na lang siya sa pag-ingon. Unya nipahiyom. Nipadayon sa iyang panguha og litrato.
Ug nakahukom si Rey nga inig pauli niya, pangutan-on niya iyang mama kun Cardoso bay apilyedo ni Ricky. Kun mao man o dili, kalimtan na lang niya sa buot ang tanan. Kay wa siya’y labot sa kinabuhi sa iyang inahan o amahan sa panahon nga wa pa siya natawo. Kun unsay isulti sa iyang inahan ug giilang amahan, mahitungod sa iyang pagkatawo, dawaton niya. (Kataposan)