Milabay ang mga adlaw nga gikauban ni Robert sila si Lola Felomina ug Marilyn sa iyang panimalay ug nakabantay dayon siya’g kausaban. Limpyo ug hapsay na ang palibot sa balay.
Gikalipay kaayo kini ni Robert. Apan nakabantay siya nga gabalik-balik ra ang sapot nga gisul-ob sa tiguwang ug sa iyang apo. Gisusi ni Robert ang mga sapot sa namatay niya nga inahan nga magamit sa tiguwang. Iya usab nga gipalitan og bag-o nga T-shirt si Marilyn.
“Kauban na kita karon dinhi sa balay ug gusto ko nga presentable ‘sab mo tan-awon kay basin og may mga bisita ko nga moanhi,†giingnan ni Robert si Felomina ug Marilyn. Gibiyaan niya ang apohan ug apo kay aron makailis sa ilang mga gisul-ob.
Nakahuna-huna si Robert nga mangompra og ilang kagamitan sa balay ug gusto niya nga iuban si Marilyn. Paggawas niya sa kwarto, misugat sa iyang mga mata ang bayhon ni Marilyn nga nagsul-ob na sa hinatag niya nga T-shirt.
“Kaangayan nimo kaayo sa T-shirt Lyn,†nagpahiyom si Robert nga mihimo og pagdayeg sa dalaga nga apo ni Felomina. “Salamat ani sir ha?†ni Marilyn pa nga nagpahiyom. “Walay sapayan. Kita-kita ra man g’yud dinhi sa balay, tawga na lang ko sa akong ngalan Lyn, ayaw na ko tawga og sir,†ni Robert.
Gipananghid ni Robert kang Lola Felomina nga iuban niya si Marilyn sa pagpangompra. Wala pasakya ni Robert sa likud nga lingkoranan ang dalaga, didto niya gipalingkud tupad kaniya sa front seat. “Mauwaw man ko mosakay tupad nimo Bert,†ni Marilyn pa nga ingon sa maulawon.
Samtang nagdagan ang awto paingon sa department store sa Banawa, nagkalingaw og pakigsulti si Robert sa dalaga’ng probinsyana. “Abi nimo Lyn, nalipay ko nga nagkaila ta. Karon milutaw na gayud ang imong kaanyag,†entrada ni Robert.
Daw nakalitan si Marilyn, wala katingog. “May boyfriend ka na ba Lyn?†gisukna niya si Marilyn. “Wala pa uy, igihan man kaayo na si Lola. Dili mosugot nga mosuroy-suroy ko sa mga disco sa amo,†matud ni Marilyn. “Kun mao, mas labing maayo nga wala ka pa makasuway og boyfriend kay basin og binuangan ka lang unya Lyn,†giingnan ni Robert ang dalaga. “Mao bitaw kana ang gikahadlokan ni Lola,†dali nga tubag ni Marilyn.
Human giparada ni Robert ang kotse sa parking area, nagkuyog sila sa pagsulod sa grocery. Gikasugat ni Robert ang higala niya nga si Danny. “Part, imo na’ng bag-o?â€
Dali nga nakapanglingo-lingo si Robert ug mipasiklap ni Marilyn. Wala magdugay sa pagtimbayahay ang mag-amigo. “Tan-awa, naa-an ka sa akong amigo nga girlfriend nako, hitsuraan ka man gud Lyn,†giingnan ni Robert ang dalaga. – Sumpayan