Kalit lang kong gibaswat ni Neggar ug gidala sulod sa kuwarto. Didto tugob sa kainit namong gisaw-an ang pagtagay sa kalipay.
Dihang gibati na mi’g kagutom, nakahukom ming manggawas sa balay. Sakay sa CR-V nga gipangunayan pagmaneho ni Neggar, nangadto mi sa usa ka merkadong gamay. Namalit mi’g lechon, manok, karne ug isda aron among ma-stock sa balay.
Pagbalik namo sa balay, wala mi laing gihimo gawas sa pagpahimulos sa privacy nga among naangkon. Amo ang tanang higayon pagdimdim sa katam-is sa dugos. Maong gitilok gayod namo ang mga gutlo sa kalipay.
Human sa among gibuhat gikuha ko ang akong cellphone ug akong giteksan si mama Linda. Wala lang ko motawag tungod kay nasayod ko nga masuko gyud si papa Juan ug mama kun ilang masayran ang matuod.
Akong giingnan sila nga dili na lang mangita nako kay mikuyog ko sa akong uyab. Gisulti nako nila ang dapit nga among gipuy-an ni Neggar. Ug dayon akong gi-off ang akong cellphone pagkahuman nako’g teks nila Mama.
Paglabay sa tulo ka adlaw. Akong giablihan ang akong cellphone. Bisan mao pa gani pag-abli, nakadawat ko’g tawag sa cellphone. Si Bob ang nanawag. Sa sinugdan, wala nako tubaga ang iyang tawag. Mora’g dili pa ko andam nga makigsulti niya. Gipasagdan ko lang ang akong cellphone nga nagsige’g bagting. -- Sumpayan pa