Nanuktok si Leny sa pultahan. Taud-taud mibukas ang pultahan ug misugat sa ilang panan-aw ang edaran nga babaye. “Siya ang akong Mama, Fermin,†gipaila ni Leny ang iyang inahan.
“Giubanan ko ni Fermin Ma kay nabalaka siya nga ako ra kuno ang mopauli. Siya ‘sab kadtong giingon nako nga mitabang nako nga dali ra ko nga nakaparehestro sa Comelec,†giingnan ni Leny ang iyang inahan.
Mibalik pagkatulog ang inahan ni Leny. Igo-igo lang ang gidak-on sa ilang balay ug kasarangan ra ang ilang kahimtang. “Nagsalig ra lagi mi sa pensyon ni Mama kay patay na man ang akong Papa, mao nga sa akong pagtungha, naninguha g’yud ko bisan dancer na lang basta makabayad sa tuition fee,†ni Leny.
Misamot ang tinguha ni Fermin nga matabangan si Leny nga makasulod og maayong trabaho. “Pwede ba og magkuyog ta kay irekomendar tika sa amigo nako nga tag-iya og construction company. Aron pagsiguro nga dili g’yud mobalibad, ako ka nga ipaila nga girlfriend nako,†giingnan ni Fermin si Leny.
“Ha? Ayaw lang uy kay mauwawan ka unya sa imong amigo kun ipaila ko nimo nga imong girlfriend,†matud ni Leny. Apan miinsistir g’yud si Fermin. “Ngano gud tawon nga mauwawan man? Basta mao na ang akong himoon,†ni Fermin pa.
Mipauli si Fermin para makapahuway na ‘sab si Leny. Nagsabot sila nga kuhaon niya si Leny mga alas nueve sa buntag kay mangadto sila sa WKG Construction nga iya ni Mr. Gaw nga amigo ni Fermin.
“Swerte ka g’yud Fermin kay nangita ko karon og empleyado. Nadawat g’yud si Leny isip sakop sa Accounting department sa construction company. Wala na kini mobalik pa isip dancer.
Usa ka hapon, gikuha ni Fermin si Leny, giimbitar og panihapon. “Salamat kaayo Fermin ha? Pinangga baya ko ni Mr. Gaw kay suod kuno mo kaayo. Gikabuangan ko niya kun kanus-a kuno ta magpakasal kay siya’y moluhod nato,†ni Leny pa nga nagngisi.
Nakita nila nga migawas si Mr. Gaw sa opisina. “Fermin, ayaw kalimot pagkuha nako isip imong Ninong ha kun magpakasal na mo si Leny,†matud ni Mr. Gaw nga nagngisi paingon sa iyang kotse.
“Bitaw Len, ang tinuod, gitabangan ko ikaw nga mahaw-as sa pagka dancer aron mapadayon mo ang imong kabuotan ug dili ka matintal sa binuang. Mosugot ka ba kun mangasawa ko nimo Len?†matud ni Fermin nga daw nangamoral.
Wala makatingog si Leny sa iyang nadungog. Nangaon sila ug dayon gihatud ni Fermin si Leny. “Dali hapit usa,†ni Leny pa. Sayo nga natulog ang inahan ni Leny sa iyang kwarto.
“Motupad ko’g lingkod sa akong love ha?†ni Leny pa ngadto kang Fermin. Nakurat siya pagkadungog. (Kataposan)