Maria Magdalena

Gula 91

Gihagkan ni Daniel ang akong ngabil dungan sa inanay niyang pagpaibabaw sa akong lawas. Unya ang iyang paghalok miaginod ngadto sa punoan sa akong dalunggan, sa liog, sa dughan, sa pusod, ug saa..

Dihang na-sense na ni Daniel ang akong ganghaan sa akong pagka-babaye wala siya maglangan. Nakasulod kini sa dakong kasayon. Sa misunod nga mga gutlo, nagdungan kami pagsangko sa kinapungkayan sa himaya.

Nahikatulog si Daniel human sa mabulokon namo nga lovemaking session. Kaha tungod sa kahapo sa biyahe ug sa pagbudlay sa lawas sa pagtagay namo sa lawasnong kalipay, nahinanok siya pag-ayo bisan adlaw’ng dako.

Migawas ko sa among lawak ug miadto sa kusina. Akong giandam ang lamesa aron mangaon mi human makapahulay si Daniel. Kinahanglang ipakita gyud nako sa akong bana nga gipangga ko siya aron mosamot ang iyang pagsalig nako. Sa ingon, dili siya magduda nga naghimo ko’g milagro sa among kaminyoon nga giduhigan nako’g lapok ang iyang pagka-bana.

Akong gipahimutang ang mga pagkaon sa lamesa, gawas sa tinulang isda kay tingali kun bugnaw na kini inigmata ni Daniel. Sa dihang napahimutang na ang tanan sa lamesa, miadto ko sa kuwarto namo ni Daniel aron pukawon siya ug mangaon na kami. -- Sumpayan pa