Sinati kaayo ni Marco ang mga sala set nga gipakita niya, sa nagbaligya niini. Gikarga og multicab nga giparking atubangan sa iyang tindahan karong buntaga. Naay lamesita, sopa, ug unom ka nindot nga mga lingkuranan. Puro gama sa kahoy nga Narra. “Namalhin na lagi mi’g puyo, sir. Unya among balhinan gamay ra’g lugar. Dili paigo among sala set†matud sa yagpison nga lalaki nga mao ray nagmaneho sa multicab nga asul.
“Pila may imong baligya ini tanan?†ni Marco nga nigawas sa pultahan sa iyang tindahan. “Ihatag ko lang ni mo’g mil sayis. Tag dos sentos pesos lang usa†sa lalaki. “Tayim pa una kadiyot. Kay tawgon nako akong appraiser. Ipatan-aw nako ang sala set. Kay kun uyon siya sa imong presyo, bayran nako dayon†ni Marco nga nisulod sa tindahan. Ug nigawas sa luyo padulong sa ilang balay luyo sa tindahan. Gihinayhinay og diskarga sa lalaki ang mga karga. Giplastar atubangan sa tindahan. Naneguro nga barato ra iyang presyo ug seguradong mahalin iyang baligya.
Pagkataudtaud, may niparking double cab nga pick-up, nisumpot sa multicab. Nanaug si Freddie, manghod ni Marco. “Mao ni akong appraiser, Dong†ni Marco ngadto sa lalaki nga nagbarog duol sa dulong sa multicab. “Tan-awa kono brod, ang mga sala set. Kun uyon ka ba sa presyo nga tag dos sentos ang usa?†ni Marco ngadto sa iyang manghod. Nanigang mga mata ni Freddie pagkakita sa mga sala set. “Ana! Ang ako man ning mga sala set! Nahanaw sa niaging semana. Gipauga lang nako sa daplin sa karsada human nako bag-ohi og varnish. Natulog lang ko huma’g paniudto. Adlaw’ng dako, gikarga kono og multicab nga asul, suma sa akong silingan!†ni Freddie.
“Ah, imo diay na, sir. Sigi, adto na lang ko†sa lalaki nga nidali’g sakay sa multicab. Nipaandar ug nipasirit og padagan. Wa na lang babagi ni Marco. Kay gilista na man niya ang plate number sa multicab. Gikarga na lang sab ni Freddie ang sala set ngadto sa iyang pick-up. “Kuyaw na gyud ron ang mga kawatan. May sakyanan na!â€ni Freddie. “Nia ang plate number sa multicab, o. Aron magpa-blotter nimo†ni Marco nga nagtonol og gamay’ng papel sa manghod.
“Layolayo gyud og nabiyahan ang multicab. Kay distansiya mga napulo ka kilometro atong masig ka balay†ni Marco. Nagpahiyom. “Pero, sulagma kaayo nga ikaw ang nabaligyaan sa kinawat†ni Freddie. “Swerte pa gyud nga imong mga butang nga nabalik nimo. Sa sunod, ayaw na gyud og kompiyansa†ni Marco. Nagpahiyom. Ug nag-apir ang managsoon. (Kataposan) (Sa gusto’g libreng konsulta, dad-a ning pahina sa sugilanon sa opisina sa tagsulat, sa Sabado’s buntag)