Gusto unta kong magdamgo pero wala gyud, siguro tungod kay dili man sad ko hingatulgon. Pero akong misis ba kay sige lagi daw siya’g damgo, mga bitin daw daghan kaayo, dunay gagmay, duna sad mga dagko, ang mga gagmay nga bitin diha daw sulod sa akong sapatos. Unya ang mga dagko nga bitin pa balik2x ra niyang damgohon dihay iyang gibunalan pero wala man pud niya mapatay. Unsa may hubad ato iyang damgo prof?
— Dong
Dong,
Kining damgo sa imong asawa ba, nagpasabot nga kada-lakaw nimo, naa gyud mga pagduda nga mokaw-it ka sa mga tentasyon. Naa ra gyud ni nimo kung unsaon nimo siya pagpasabot aron makalma na ang iyang mga pagduda.
Pero dili lang kay bahin ni nimo, possible pud kaayo ni nga siya pud ang palibotan sa mga tentasyon sa panahon nga wala ka. Possible pud kaayo ni sa mga tawo nga maluibon nga mga tawo nga nagpalibot sa inyong pamilya.
Paampoa og maayo aron dili ni makaduot ning mga tawo nga gustong magluib o’ mo traydor. — Prof. Tata Swami D' Swami (Descendant of Professor Swami)
P.S. Katong gusto magpada og SUWAT, ipadala lang sa address: Hubad sa Damgo Banat News Cor D. Jakosalem and V. Gullas Sts. Barangay Sto. Niño 6000 Cebu City, Philippines
* * *
Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: beyonddreams2112@yahoo.com.