Nag-agunto sa kadako sa ulo sa ubod

Mikulima ang nawong ni Ines. Nagpanikad ang duha niya ka tiil. Kay sukad god masukad siya nabiyuda ni anhing Tinong, karon pa kini niya masinati ang talagsaong kahugot, nga karon siya gipangasawa ni Kalaw, ang ulitawong guwang, nga nangurso gayod sa pakigminyo kaniya.

“Unsaaaaa .... mann .... Inessss ... moadtoooo ... naaa ... akooo .... saaa .... dagatttt .... aronnn ... mamanaaa oggg uboddddd?” nagkayuring ang sinultihan ni Kalaw.

“Lubog kaayo ang dagat, karon   Kalaw?’ mubong tubag ni Ines, nga lupig pay isdang komi nga hugot kaayo nga mibalikos og gakos kang Kalaw.

“Sa miagi gong gabii ... nagsangkiiig si Kalaw, sa iyang daghang kuha nga pinanaan nga ubod. Wa maato nila og un-on, ug gidispatsar na lang og baligya ni Ines, sa may tiyanggihan sa lungsod sa San Fernando.

“Sayang kaayo Kalaw, kun karon moadto ka sa dagat, aron mamana og ubod,” pinaluray ang panuni  sa sinultihan ni Ines.

“Unsa may nakasayang mahal kong asawa?’ ni Kalaw pa nga nagpakisayod.

“Gumikan sa kalubog sa dagat, lakip na ang ulo, maigo sa imong sinimaan nga pana!” pintok nga mitubag si Ines.

“Paborito ko ra ba kaayo ang ulo sa ubod!”

Dili ikalimod, nga ning ilang balangay sa Bugno, si Kalaw, ang giilang taas og utong ug numero uno nga  mamana og ubod. Apan naunsa bang pagkaunsa ...nga sa dihang nangala na si Ines, mao na man hinuon ang iyang pangitaon ang ubod inig-abot ni Kalaw gikan nga namana?

Kilumkilom na nga naabot si Kalaw, niadtong higayona sa adlaw’ng Sabado. Nahasol ang hunahuna, ni Kalaw, unsaon niya pagsulti si Ines, nga bisan usa na lang ka buok ubod, wa man gayod siya makakuha gikan sa iyang pagpamana.

Naabtan niya si Ines, sulod sa may sibay, nga nagbakho ug wa gani siya lingia? Nangluod gayod diay ang iyang asawa, sa kadugay niyang nahiuli gikan nga namana?

Iyang gipikpik ang abaga ni Ines. Wa kini mokihol, aron mangutana kaniya kun aduna ba siya’y kuha nga ubod.

“Ikaw na lang ang mag-igo sa panahon, Ines  hilabihang nihita sa ubod ug bisan usa na lang wa gayod ako’y kuha nga mapana!” ni Kalaw  pa nga hapit na lang moluhod sa atubangan ni Ines.

“Unsa man diay ning nagbitay nga ubod sa imong bilahan Kalaw, nga hilabihan man kasinaw ang ulo?” daling nakakupot si Ines.

“Ambot unsang pagka-hitaboa ... nga kalit man miagunto si Ines, diin nagpanikad ang duha niya ka tiil nga nag-agulo. (Kataposan)