Gula 45
Nalipay si Marcos nga mibalik dayon ko sa Cebu City. Siya ra man gong usa ang nahibilin sa boarding house. Wala man siya mobakasyon kay laayan siya sa ilang dapit kay bisi usab kanunay ang iyang mga ginikanan sa ilang negosyo. Mas malingaw pa kuno siya dinhi sa siyudad bisan siya lang kay duna man siya’y daghang barkada.
Sanglit namauli man lagi sa tagsatagsa nila ka probinsiya ang ubang mga boarders kami rang duha ni Marcos ang nahibilin sa maong balay. Mao nga amo ang tanang panahon sa pagtagbaw sa among kaugalingon. Bisan unsang orasa nga gusto kaming mag-sex, mahimo namo kini sa dakong kasayon. Walay makatugaw namo bisan unsay among buhaton sulod sa boarding house.
Dihang nagsingabot na ang enrollment alang sa second semester, nag-ulhos pagpamalik ang ubang mga boarders aron magpa-enroll. Nagpa-enroll na sab ko. Mibalik ang kaalegre sa boarding house dihang namalik na ang ubang mga estudyante nga nagpuyo niini.
Diha gani nadugang nga bag-ong boarder nga maoy miokupar sa nahibiling usa ka bakanteng kuwarto. Mga estudyante gyud ang kasagaran nga among kauban ug nag-ukopar sa ubang mga kuwarto.
Nagpadayon gihapon ang bisyo nga pagtagay namo ni Marcos sa lawasnong kalipay. Kun nagmata pa ang ubang tawo nga kauban namo sa balay among pakusgan ang music sa among cellphone aron dili mi madunggan sa pikas kuwarto kun mag-sex kami kay plywood ra man ang division niini. -- Sumpayan pa