Usa ka condition

Dear Tita Salie,

Have a wonderful day. Just call  me Xandra, 18 years of age, from Cebu City, single pa ko. Tita. Kanunay gyod ko mobasa sa imong column kay makalingaw kaayong basahon.

My problem is all about my life in relation to my lovelife. Aron imong masabtan ang tanan ingon man god niini ang sitwasyon.

Ania ko’y ex boyfriend, Tita, ug bisan kun nagbulag na mi magsige lang gihapon mi og teksanay ug sweet lang gihapon ming duha bisan kun sa celfon lang kini. Buotan man god kining akong ex kanako.

Sa tinuod lang duna pa ko’y feelings kaniya ug ingon man usab ang akong ex ngari kanako. Gusto pa ko, Tita, nga magkabalik ang among relasyon kay until now siya man gihapon ang gipitik sa akong kasingkasing. Ang akong ex gusto usab nga makigbalik kanako ug makigbalik gyod siya nako kun mosugot ko sa usa ka condition.

Maoy iyang gusto, Tita, nga kun magbalik mi magminyo na dayon mi. Pero gusto pa man god ko moeskuyla sa college. Apan maoy iyang gusto nga motrabaho na lang ko kay kuno kun moeskuyla ko dugay pa kaayo ko mahuman kay mo first year pa man ko ug nursing ang akong kuhaon.

Tinuod nga dugay pa ko mahuman, Tita, apan gusto man gyod ko moeskuyla. Mahadlok usab ako nga dili mi magkadayon. Unsa may akong buhaton? Palihog pasabta ko. Thank you very much.

* * *

Dearest Xandra.

Niabot ang imong kinabuhi sa punto diin imong tan-awon ug hunahunaon ang sitwasyon. Medyo bug-at-bug-at ang imong gipadala karon nga sitwasyon. Mao kini ang imong makita sa sitwasyon kun ang duha (ang imong gugma ug pag-eskuyla) imong tan-awon ang karibal sa imong kinabuhi. Kun mao kini ang imong makita lisod dyod  ang imong sitwasyon tungod kay kinahanglan man gyod nga mopili kanilang duha.

Apan kun imo kining tan-awon sa lahi nga paagi ang duha wala mag-demand kanimo nga kinahanglan mamili kanila, tungod kun makamao ka modala niini puyde nimong kuhaon ang duha, puyde nimong pilion ang duha aron malipayon ka sa imong kinabuhi.Tan-awa ang inyong pangidaron ug ang inyong kahimtang karon. Samtang nag-date mo mao kini ang estoryahe wala ka pa makahuman pag-eskuyla, ug maybe mao usab ang imong boyfriend. Kun magminyo duna na ba moy ibuhi ninyong duha ug sa umaabot ninyong anak? Just imagine 5 to 10 years from now kun unsay inyong kahimtang nga pareho man mo walay nahuman.

Padayon sa imong plano ug kun tinuod siyang nahigugma kanimo andam siyang magpaabot kay ang imong buhaton alang man sa inyong kaugmaon. Apan kun nagdali gyod siyang maminyo pasagdi siya nga mangita og lain. Kay mas nindot puy-an ang kinabuhing minyo kun inyo kining gipangandaman.

-- Tita Salie