Gula 26
Daw nagsultihanay ang ilang tinan-awan. Unya, hinay apan mahinamon nga gipaduol ni Albert ang iyang mga ngabil sa mga ngabil sa dalaga. Ug nagkaakob gayod ang duha sa pinadulot nilang hinagkanay. Daw sa naglumba sila sa pagtiti sa dugam-is sa gugma.
Hangtod nga mikuyamang ang kainit sa tibuok nilang kalawasan. Mihangos sila sa maong kahimtang. Daw masunog na ang ilang mga kalag sa nagsilaob nga kalayo. Daw nagbukal ang ilang mga dugo ug nangita’g kahumpayan ang ilang gibati.
Nahimong lihokan ang mga kamot ni Albert. Mikiat kini sa pagpanghikap sa bililhong mga bahin sa lawas ni Josheba. Ang dalaga wala motutol sa gibuhat ni Albert. Gipasagdan niya ang ulitawo nga nagpatuyang sa pagpanghiram sa iyang mga inampingan.
Taliwala sa nagngiob nga palibot sa sulod sa cottage, mabati ang nagakakusog nga hinangos nila ni Albert ug Josheba. Ang ilang kaugalingon gigamhan na sa tumang kainit ug kahigwaos.
Inanay nga mipatighulog ang usa ka kamot ni Albert ngadto sa ubos nga bahin sa lawas sa dalaga. (Sumpayan pa)