Pipila ka karsada sirad-an nunot sa Garbo sa Lapu-Lapu

CEBU, Philippines — Gipahibalo sa buhatan sa City Traffic and Management System (CTMS) sa siyudad sa Lapu-Lapu ang temporaryong pagsirado sa pipila ka mga dalan karong Domingo Nobiyembre 17, 2024 atol sa pagahimoon nga Garbo sa Lapu-Lapu.

Naglakip sa mga dalan nga temporaryong sirad-an mao ang G.  Y. De.la Serna, S. Osmena sa Barangay Gun-ob nga mao usab ang dapit nga masentro ang kalihukan diin ipahigayon ang showdown ug street dancing sa gi-cluster nga mga contingent.

Ang kalihokan maoy kabahin sa gihan-ay nonot sa pagsaulog sa tinuig nga piyesta sa Mahal nga Birhen sa Regla.

Salmotan kini sa 19 ka mga barangay sa mainland ug 11 ka barangay sa Isla sa Olango.

Ipasigarbo sa nagkalain-laing barangay sa Lapu-Lapu ang ilang mga produkto, mga resort o mga dapit nga hugopan sa pagsuroy sa mga langyaw ug lokal nga mga turista.  MEL BANAT NEWS