Patay nga puya gianod sa sapa
CEBU, Philippines — Nagpadayon ang imbestigasyon sa Balamban Police Station labot sa napalgan nga bag-ong gihimugso nga puya nga wala nay kinabuhi sa Sitio Himumbongan, Barangay Cantuod, Lungsod sa Balamban niadtong Sabado sa buntag, Abril 12, 2025.
Nakit-an ang puya nga babaye alas 7:30 sa buntag niadtong Sabado nga naglutaw-lutaw sa sapa sa Sitio Himumbongan, Barangay Cantuod ug wala nay kinabuhi.
Si Melvin Napoles Delfin, 50 anyos, minyo, nagpuyo sa Sitio Kalubihan, Barangay Cantuod, Balamban ang naka diskubre niini dihang niagi siya sa dapit.
Alas 9 sa buntag niadtong Sabado dihang nakadawat og tawag ang Balamban Police Station gikan sa concerned citizen mahitungod sa maong insidente.
Nagimbestigar na ang kapulisan aron mailhan ang inahan sa maong puya nga gituohang maoy niabandonar sa bata. — /IBM (BANAT NEWS)
- Latest