CEBU, Philippines — Si Gobernador Gwendolyn Garcia gikatakda nga moluwat og laing cease and desist order (CDO) batok sa operasyon sa laing kompaniya sa mina nga nahimutang sa Lungsod sa San Fernando.
Kini human nga nasayran sa gobernador nga ang pagkubkob sa Solid Earth Development Corporation risgo sa mga komunidad nga nagpuyo duol sa ilang operasyon.
“Even if I risk another court case, I will issue another cease-and-desist (CDO) order under the present prevailing conditions of your operations. There really is again a clear and present danger to existing communities and houses”, matud ni Garcia atol sa iyang tigom tali sa opisyales sa maong kompaniya uban usab sa opisyales sa nagkadaiyang ahensiya sa gobiyerno niadtong Miyerkules.
Ang Solid Earth usa ka quarry company nga nagsupaly og materiyales ngadto sa Taiheiyo Cement Philippines nga usa ka kompaniya sa semento sa diha gihapon sa Lungsod sa San Fernando.
Usa ka technical working group (TWG) ang umolon sa Kapitolyo aron maoy mo assess kon nisubay ba ang duha ka kompaniya sa Mineral Production Sharing Agreement (MPSA) ug mao usab ang mosukit-sukit sa operasyon sa maong mga kompaniya.
“You will be given 30 days to make a presentation of how you can conclusively, truthfully, and faithfully assure the safety and security of existing communities that are within your MPSAs”, ni Garcia pa.
Lakip sa nitambong sa tigom ang mga opisyal sa Department of Environment and Natural Resources, Environmental Management Bureau, Department of Public Works and Highways ug Teiheiyo.
Gusto usab ni Garcia nga adunay maestablisar nga safe zone ug buffer zone palibot sa quarry sites aron mapanalipdan ang mga komunidad duol sa maong dapit.
Ang maong zones mailhan sa mosunod nga 30 ka adlaw. BDB BANAT NEWS