CEBU, Philippines — Bisan taliwala sa hulga sa ulan wala nibahar liboan ka mga deboto sa pag-apil sa Penetential Walk with Jesus agi sa pagbukas sa ika 460th Fiesta Celebration ni Senyor Sto. Niño nga nagdala sa temang : Pilgrims of Hope, adlaw nga Huwebes Enero 9. 2025.
Moabot ngadto sa 160 mil ang pagbanabana sa kapolisan sa mga magtutuo nga niapil nga nanukad gikan sa Fuente Osmeña Circle ngadto na sa Basilica Minore del Sto. Niño.
Ang ulan nga nasinati wala hinoon nakadugay tungod kay pagsugod na sa lakaw hangtud nahuman ang procession ug Santos nga misa maayo na ang lakat sa panahon.
Sa homiliya ni Rev. Fr. Andres Rivera, Jr. OSA, Rector sa Basilica Minore Del Sto. Niño de Cebu kini nibutyag nga angayan hinumduman sa tanan nga ang Ginoo nga Buhi pinaagi wa Imahen ni Señor Santo Niño maoy gatawag kanato aron kita magkapundok isip iyang katawhan diin kita mopanaw padulong sa atong gilauman.
Ang tigpamaba sa Basilica Fr. Jules Van Almerez, nibutyag nga malinawon ug hapsay ang pagbukas sa unang adlaw sa misa novena ug giawhag niya ang mga deboto nga mosunod lang gayud kung unsay gipatuman nga mga lagda sa simbahan.
Sa pikas bahin, si Police Lieutenant Colonel Maria Theresa Macatangay, Deputy City Director for Operations ug tigpamaba sa Cebu City Police Office(CCPO) nga malampuson ang Walk with Jesus kini bisan paman og naay ginagmay nga kakulian sama sa paghugot sa pisi kini gumikan kay daghan ang niapil sa kalihukan.
“They manage it will, they were able to arrive at the Basilica safe for everyone who attended the particular procession,” sigon ni Macatangay.
Base sa gihatag nga dato sa Cebu City Disaster Risk Reduction and Management Office(CCDRRMO) sa kapulisan niabot sa 160,000 ang niapil sa opening salvo.
Samtang si Police Lieutenant Colonel Janette Rafter, tigpamaba sa Police Regional Office-7 mibutyag nga si PRO-7 Officer-in-Charge Police Brigadier General Dionisio Bartolome Jr., midayeg sa site task group Cebu City ingon man sa tanang personnel nga na-augment sa maayong pagdumala sa kalihukan.
“On behalf of our Officer-in-Charge Police Brigadier General Dionisio Bartolome Jr., we would like to extend our gratefulness to all the devotees earlier who joined the first salvo, the first activity under fiesta señor for their cooperation ug ang ilahang support kay dili gyud ni mahimong successful og wala ang ilang kooperasyon,” ni Rafter pa Decemay P. Padilla, IBM BANAT NEWS