CEBU, Philippines — Usa ka condominium nga nahimutang sa River Street, Barangay Mabolo, siyudad sa Sugbo ang gi-warningan sa Cebu City Fire Station gumikan kay giingong wala mosunod sa fire safety regulation.
Nagkanayon si Senior Fire Officer 2 Wendell Villanueva, tigpamaba sa Cebu City Fire Station nga ang maong condominium gipadad-an na og notice to correct violation ug notice to comply apan giingong wala gyud nituman.
Gawas niini, ang mga tenants mismo sa maong condominium ang nireklamo sa Bureau of Fire Protection Regional Headquarters
"Kadaghan ni mga notisya naay notice to comply after 15-day notice to correct violation wala gyud siya ni comply", sigon ni SFO2 Villanueva.
Dunay gipaskil nga tarpaulin ang BFP Cebu City nga dunay suwat nga "WARNING: THIS BUILDING/STRUCTURE IS A FIRE HAZARD".
Matod ni SFO2 Villanueva nga sa tibuok siyudad sa Sugbo ang maong establisamento maoy una nilang nasampolan.
Gipasabot ni Villanueva, ang BFP mohimo gyud og routinary inspection, fire safety inspection sa tanang establishments ug kun aduna sila'y mga rekomendasyon angayan kining sundon kay alang man sab kini sa kaluwasan sa tanan. — (BANAT NEWS)