CEBU, Philippines — Si Bise Mayor Donaldo Hontiveros niduso og ordinansahon nga magprotekta sa pagpatuman sa pagbaligya ug pabuwag sa halal nga pagkaon ug ilimnon sa mga establisamento sa Dakbayan sa Sugbo.
Niadtong Miyerkules atol sa regular session sa konseho sa Dakbayuan sa Sugbo ang maong ordinansahon nga nag-ulohan og “Halal Ordinance of Cebu City” gi-refer kini sa konseho ngadto sa Committee on Laws ug Committee on Health alang sa ilang report ug rekomendasyon
Ang maong ordinansahon mag-require kini sa tanang establisamento nga nagbaligya og halal products o mga pagkaon nga magbutang og lahi nga storage ug display sections.
Ug ang makalapas makamulta kini og P1,000 o usa ka buwan nga pagkapriso sa unang kalapasan, P2,000 nga multa og ka buwan nga pagkapriso alang sa ikaduhang kalapasan ug P5,000 nga multa o tulo ka buwan nga pagkapriso ug pagkanselar sa business permit sa ikatulong kalapasan. Gtiumong sa National Commission on Muslim Filipinos nga mapadali ang pagpangandam sa paghimo sa Cebu City nga usa ka top preferred Muslim-Friendly Destination sa nasud.
"There is a need to give the Muslim market sector In the City of Cebu the best experience yet without laying on the line their religious faiths and practices", matud ni Hontiveros. Matud ni Hontiveros nga ang katuyoan niini mao ang pag-establisar og harmonious nga relasyon tali sa mga Kristiyano ug Muslim sa Dakbayan sa Sugbo ug aron usab masiguro nga ang mga pagkaon nga ilang paliton ug ang mga produkto nga ilang gigamit "pure and clean".
Gilaoman nga mapalabang ang maong ordinansahon diin ipatuman kini diha sa mga pampublikong merkado, supermarket, grocery store, meat shops, ug uban pang mga establisamento sulod sa mga mall, centers, ug kadtong gawas sa mga mall nga namaligya og halal nga hilaw, processed, o luto nga pagkaon ug uban pang halal nga produkto. Ug mo-cascade sa tanang hotel, restaurant, fast food chains, eateries, food stalls, school or university canteens, ug uban pang food establishments sa siyudad nga nag-serve og halal. (BANAT NEWS)