CEBU, Philippines — Niabot og kapin sa P10 milyones nga balor sa illegal nga drugas ang nasakmit sa mga operatiba sa Police Regional Office(PRO)-7 sulod sa usa ka adlaw nga gasugod sa Nobiyembre 15 hangtod sa 16, 2024. Ang maong kantidad sa ilegal nga drugas nga nasakmit resulta kini sa 52 ka operasyon nga ilang napahigayon diin 1,530.2 grams nga drugas ang nakuha ug 62 ka tawo ang nadakpan.
Sa illega gambling, ang kapulisan nakahimo og ka operasyon diin 37 ka sugarol ang nadakpan og dul-an sa P3, 000 nga kwarta ang nakompiskar.
Nakapahigayon sab ang kapulisan og 15 ka operasyon batok loose firearms diin 14 ka armas ang nasakmit ug gi-surrender ug duha ka tawo ang sikop. Subsob sab ang ilang pagdakop sa mga pinangita sa balaod nga niresulta sa pagkasikop sa 76 ka wanted persons ug 69 niini other wanted person samtang pito ang most wanted persons. (BANAT NEWS)