CEBU, Philippines — Ang kapolisan sa Dakbayan sa Talisay magpasiugda og fun run diin tinguha nila nga makakuha og pundo aron ibubo sa mga programa alang sa kabataan.
Si Police Lieutenant Colonel Epream Paguyod, hepe sa kapolisan sa Dakbayan sa Talisay nilusad sa Project First Salute nga maoy motutok sa mga programa sa kabataan aron malikay sa pagkalambigit sa ilegal nga kalihokan.
Ang maong programa hiniusa kini nga paningkamot sa kapolisan, City Social Welfare and Development (CSWD) ug uban pa.
Nasayran nga 19 ka menor de edad ang ilang na-rescue human sila nakadawat og taho nga gihimo nga drug courier ang maong mga bata.
Aron mas mapalapdan pa ang programa nakahuna-huna ang City Advisory Council pinangulohan ni Cyril Velasco nga mohimo sa fun run aron makatigom og pundo nga makasustiner sa kalihokan alang sa mga menor de edad.
Ang fun run ipahigayon karong Disyembre 8 niining tuiga. Ang rehistrasyon mokantidad og P550 ngadto sa P800 magdepende sa gilay-on sa daganan. BDB BANAT NEWS