Kanhi brgy kapitan modagan pagka mayor sa Consolacion

CEBU, Philippines — Kanhi kapitan sa Barangay Tayud, Lungsod sa Consolacion Blessilda “Bingol” Villo ang niduso na sa iyang Certificate of Candidacy aron magpapili pagka mayor sa Consolacion ubos sa Partido PDP-laban.

Kauban niya ang uban sa mga kapartido niini nga naglangkob nila ni Ian Rose Bihag pagka bise mayor ug modagan pagka konsehal nga sila si Analee Gungob; Ava Sanchez, Nilo Ferraren; Diosdada Girlczyk; Restituto Congson Jr, Eb Singuran; Edmunds Maxilom ug Julian Cuyos.

Matud pa ni Villo, nakapaaghat kaniya nga modagan pagka mayor sa lungsod sa Consolacion tungod sa kabati sa kahimtang sa ilang lugar sama sa kahuot sa dagan sa trapiko.

Dakong hagit nga nakita ni Villo karon mao ang ilang kaatbang nga nigamot na hinungdan nga dili lalim ang ilang giatubang apan wala sila nawagtangan og paglaum aron ilang mahatag ang tinuoray nga serbisyo.

Samtang ang grupo ni Yogi Felimon Ruiz sa Partido Cebu, ang lokal party sa KBL ang miduso na sa ilang COC nga gikuyogan usab sa ilang mga supporters.

Si Ruiz, kanhi Director sa PDEA7 ug kanhi BOC Commissioner mipadayag nga unang higayon kini niya nga mosuway sa paglangsad alang sa public office.

Miduso usab isip Independent Candidate pagka konsehal sa siyudad sa Sugbo si kanhi Barangay Kapitan sa Calamba Yvone Caña diin maoy tutukan niya ang health care services sa siyudad.

Gawas kang Rama ug Ruiz nakaduso usab og COC isip independent candidate sa siyudad sa Sugbo si Julita Co.

Si kanhi Lapu-Lapu City, Cebu Mayor Paz Radaza mao ang nangulo sa “Team Deretso” sa pagduso sa ilang COC. Si Radaza nagtinguha paglansar og balik isip mayor sa siyudad sa Lapu- Lapu kauban ang mokandidato pagkabise mayor nga si Atty. Michael Dignos.

Si Ryan Yuson sa pagka kongresista ug ang 12 ka mga kandidato sa pagka konsehal ubos sa banner sa PDP Laban nga naglakip kanila ni: Edgardo Abing Abejo, Carolina Apa Acaba, Alan Jay Granada Amodia, Richard Catarinen Aparri, Rogelio Pelonio Aying, Arsenio Bering Berdin, Ferdinand Minion Cahilog, Delano Miguel Eviota, Eduardo Ramos Patalinjug, Ernesto Baclohan Tumulak, Teodulo Ngujo Ybañez, ug Regina Potot Ybañez.

Suma pa ni Radaza nga mopahuway na unta siya sa politika apan dili niya mahimong balibaran ang tingog sa katawhan.

Apil sa niduso og COC mao si board member Thadeo "Jonkie" Ouano alang sa pagkamayor sa siyudad sa Mandaue uban usab ni Kongresista Emmarie "Llypop" Ouano Dizon nga magpasubli sa iyang katungdanan.

Si Acting Vice-Mayor Nerissa Soon-Ruiz nga maoy running mate ni Jonkie Ouano ang dungan usab nga miduso sa iyang COC uban ni Atty. Nilo Olin Seno nga mokandidato sa pagka board member sa Lone District sa Siyudad sa Mandaue.

Ang ilang lineup nga miduso usab sa ilang COC mao sila si Atty. Joel Seno Andreo "Anjong-Ouano" Icalina Cesar "Ting Sol" Cabahug, JR. Fritz Villamor, Ben Basiga Dario "Dar" Tariman Asterio "Bubbles" Suson Romulo "Tingy" Echavez Felipe "Eping" Diano Procopio "Copoy" Villanueva. (BANAT NEWS)