Fecal coliform sa mga sapa sa Cebu City nidaghan–CCENRO

CEBU, Philippines — Ang Cebu City Environmental and Natural Resources (CCENRO) nitaho nga ang pagtukod og piggery moay usa sa mga nakatampo sa hugaw diha sa mga sapa sa Dakbayan sa Sugbo.

Nasuta nga ang gidaghanon sa coliform sa kasapaan sa siyudad nisaka kini base sa report sa CCENRO niadtong Septiyembre 6, 2024 nga gi-transmit ngdato sa konseho sa siyudad atol sa ilang regular session niadtong Septiyembre 18, 2024.

Niadtong Huyo 16, 2024 ang CCENRO ni-transmit sa unang report niini nga giandam ni Engineer Myka Marie Llanos ug giendorso ni Reymarr Hijara, officer-in-charge sa CCENRO ngadto sa konseho.        

Subay sa maong report, ang konseho nitubag ug ni-noted sa alarming nga portion sa report nga pagsaka sa gidaghanon sa coliform diha sa ubos nga bahin sa pito ka sapa sa Dakbayan sa Sugbo.

Sa samang report gitumbok ang population sa fecal coliform nga niabot na kini ngadto sa 13,000,000MPN/100ml diin 3,249 porsyento kini sa reference nga limit counts nga 400MPN/ml.

Ug gumikan niini gi-ruled out usab nga ang tanang pito ka sapa sa siyudad wala makakab-ot sa highest quality sa water testing.

Matud sa CCENRO nga ang level sa fecal counts naggikan kini sa mga hugaw sa katawhan nga nagpuyot daplin sa sapa.

Ang CCENRO nagkanayon nga nagpahigayon sila og house-to-house information drive sa implementasyon sa Section 6 sa City Ordinance 2398 kun “Septage Ordinance in getting Septic Tank Permit”.

Ubos sa Section 26 No. 11 sa maong oridnansa nagkanayon nga ang septage inspector mo isyu og citation alang sa kalapasan gumikan sa wala pagbaton og kaugalingong pansayan o septic tank.

Ang CCENRO nagkanayon usab nga bisan og ang matag citation adunay katugbang nga multa ang mga kalapasan nagbalik-balik kini tungod sa sitwasyon nga wala sila'y luna nga katukoran og septic tank.

Gilakip usab sa CCENRO ang Hog and Poultry Raising Ordinance sa kasamtangang CO 2398 pinaagi sa mga amendasyon nga nagpasiugda sa panginahanglan sa pag-regulate niini.    

Kini human sila nihimo og actual nga site visit sa kabukiran diin ilang nahibaw-an nga ang pagtukod og piggery dako og natampo sa kahugaw sa mga sapa sa siyudad. (BANAT NEWS)