Bag-ong commissioners sa CHAC nanumpa

CEBU, Philippines — Nanumpa atubangan ni Acting Cebu City Mayor Raymond Alvin Garcia sila si Jose Rodrigo Aviles ug Ernesto “Ben” Chua isip mga bag-ong commissioner sa Cultural and Historical Affairs Commission.  Ang CHAC mao ang kahugpongan nga mohatag sa mga lagda kabahin sa mga programa sa siyudad mahitungod sa kultura, kasaysayan, kabilin, ug sa arts.  Naila si Aviles isip usa ka premyadong stage director dinhi sa Sugbo samtang si Chua naila sa iyang paningkamot kabahin sa mga museum ug pagpatunhay sa mga kabilin ug usa sab siya sa ka pangulo sa Five Loaves & Two Fish (FLTF) Cebu, Inc. nga usa ka charity organization kansang tumong mao ang paghatag og serbisyo alang sa mga Sugboanon ilabi na ngadto sa simbahan ug sa komunidad.  Gilantaw ni Aviles nga makahimo siya og mga programa nga makaayo sa nagkadaiyang kultural nga mga kahugpongan ug makaagni og daghan pang mga tawo nga mahimong bahin sa mga kalihokan ug proyekto sa CHAC.

“Since I am involved in a school community, so most probably I would be able to generate support and generate participation from the different schools as well. And since I am also with a community theater circle and industry, so most probably I would be able to generate also support and we can engage more people in organizations to be part of the programs of CHAC”, matud ni Aviles. (BANAT NEWS)