Cebu City magsugod na sa pagpangandam sa Sinulog 2025

CEBU, Philippines — Sugdan na sa kagamhanan sa Siyudad sa Sugbo sa sunod buwan ang pagpangandam alang sa Sinulog 2025.

Sayo pa, si Acting Cebu City Mayor Raymond Alvin Garcia nibutyag nga diha sa Cebu City Sports Center ipahigayon ang Sinulog sunod tuig.

Sukwahi kini sa kagustohan ni suspended Cebu City Mayor Michael Rama.

Nasayran nga si Rama mobalik na kini sa katungdanan sa buwan sa Nobiyembre tungod kay mapupos na ang unom ka buwan nga suspension niini.

Matud ni Garcia nga dili na siya makapaabot pa sa buwan sa Nobiyembre una mangandam sa Sinulog 2025 tungod kay apiki na kaayo kini.

Si Garcia nagkanayon nga discretion na unya ni Rama kong unsay mahimong desisyon niini inig balik niini sa katungdanan. (BANAT NEWS)