CEBU, Philippines — Mokabat sa P2. 4 milyones ang gibiling danyos sa nahitabong sunog sa Purok Atis sa Barangay Canjulao, Siyudad sa Lapu-Lapu alas 3:13 ang takna sa Domingo sa kaadlawon Agosto 18, 2024.
Si Fire Officer 3 Jopet Obina, field investigator sa Lapu-Lapu City Fire District Office miingon nga ang nasunog mao ang panimalay nga gipanag-iya ni Lucita Bering apan gipuy-an kini ni Brethney Bering.
Matud pa ni Obina nga tulo ka mga fire trucks ug fire truck sa CDRRMO ang nagtinabangay sa pagpawong sa sunog. Alas 4:03 na kini hingpit napawong.
Wala pa matino ang hinungdan sa pag-ulbo sa maong sunog, wala hinuoy naangol o nakalas sa nahitabo. — /IBM (BANAT NEWS)