CEBU, Philippines — Daghang trabaho ang nagpaabot sa mga Sugboanon diin ipahigayon karong adlawa ang job fair nga pangulohan sa Public Employment Services Office (PESO) sa Cebu Provincial Capitol subay sa ika-455th Founding Anniversary Lalawigan sa Sugbo.
Matud ni Julius Chua, labor and employment officer nga adunay 6,500 ka job vacancies diin kapin sa 5,500 ang overseas ug dul-an sa 1,000 ang local hiring.
Ipahigayon karong adlawa diha sa Capitol Social Hall ang maong job fair ug sugdan kini sa alas 7:30 sa buntag hangtud sa hapon.
Giawhag sa PESO ang mga aplikante nga mo sayo o moparehistro daan sa ilang buhatan aron dili malangan ug magsul-ob og haom nga sinina sa pagpangaplay og trabaho.
Adunay mga serbisyo usab sa Social Security System (SSS), National Bureau of Investigation (NBI) ug ubang mga ahensiya isip one stop shop sa mga madawat nga aplicante alang sa ilang mga rekisitos. BDB BANAT NEWS