CEBU, Philippines — Patay ang usa ka 43-anyos nga lalake human gipusil sa lalaking nasuko nga gipaandar ang iyahang motor diha Barangay Patupat, Lungsod sa Barili, Biyernes sa alas sa gabii.
Ang biktima mao si Palconaire Trinidad Pasiluna, residente sa maong barangay samtang ang suspek mao si Renante Encabo Ewican, 55, silingan ra sa biktima.
Sa imbestigasyon sa kapulisan, naglalis ang duha kay matud pa nasuko ang suspetsado nga gipaandar sa biktima ang iyahang motor nga wala mananghid kaniya.
Gumikan sa kasuko sa suspetsado gipusil niini ang biktima gamit ang magnum. 357 revolver tumong sa wala nga dughan ug nilapos sa likod nga bahin nga miresulta sa iyang kamatayon.
Miikyas unta ang suspek apan nadakpan ra sab kini dayon sa kapulisan sa ilang hot pursuit operation dili ra sab layo sa nahitaboan.
Nasakmit gikan sa suspetsado ang usa ka magnum .357 revolver nga dunay usa ka basiyo sa bala ug tulo ka bala.
Kasong murder ang kasong ipasaka batok sa suspek. (BANAT NEWS)