CEBU, Philippines — Samtang sa Sitio Tevil, Barangay Tejero, Siyudad sa Sugbo gabii sa adlaw'ng Lunes, Hulyo 15, 2024, patay sab ang usa ka Santiago Yu alyas Tiago, residente sa Sitio Silangan 1 human nakigpinusilay sa mga sakop sa Waterfront Police Station ug Special Weapons and Tactics.
Matud ni Police Major John Lynbert Yango, hepe sa Waterfront Police Station 3 dunay nitawag kanila ug nisumbong bahin sa armadong lalaki nga nagpahipi sa kapilya sa Sitio Silangan 1.
Pagabot sa mga polis, nasugatan nila kini apab giunhan sila pagpusil niini apan walay naigo kanila. Nidagan ang suspek sa kabalayan ug nikatkat sa mga atop hangtud nilayat sa sapa ug wala na igkita.
Pagkataud-taod dunay nakapahibalo nga nasigpatan si Yap sa Sitio Tevil, apan pagabot nila sa lugar gipabuthan na sab sila niini hinungdan nga ilaha kining napusilan ug napatay.
Nasayran nga si Yu maoy suspek sa mga nahitabong pagpamusil sa maong lugar, duna kini pending nga kasong pagpangawat ug napriso kaniadto tungod sa illegal nga drugas. — Decemay P. Padilla/IBM BANAT NEWS