846 ka bata nga Talisaynon nihuman sa summer workshop
CEBU, Philippines — Niabot sa 846 nga kabataan sa Dakbayan sa Talisay ang nakatapos sa libre nga summer workshop sa ikatulo nga batch.
Mao usab kini ang kataposan nga libre nga summer workshop sa tuig 2024 samtang nagdanga-danga ang pagbukas sa klase.
Gisugdan ang programa sa pagsugod sa pagtapos sa klase sa mga bata.
Si Mayor Gerald Anthony “Samsam” Gullas, Jr. nihimo sa programa aron ang mga bata mogawas sa ilang pinuy-anan ug makighalobilo sa ubang mga bata.
Gawas niini, makapasingot ug makapagawas sa ilang mga talent ang mga kabataan.
Matud ni Gullas nga ang ilang gibuhat dako og tabang sa kabataan aron sila magdako nga maayong indibidwal tungod sa mga disiplina nga gitudlo diha kanila.
Dugang ni Gullas nga sa umaabot pa nga katuigan ilang ipadayon ang kalihokan ug maningkamot nga ilaha pa kini nga mapalambo. (BANAT NEWS)
- Latest
