Duha ka kanhi sakop sa NPA ni-surrender
CEBU, Philippines — Duha ka kanhi miyembro sa napuhag nga Front Committee 3, Central Visayas Regional Party Committee (CVRPC), New People's Army (NPA) ang boluntaryong nitahan sa kaugalingon sa niaging adlaw didto sa Lungsod sa Candijay, Probinsiya sa Bohol.
Ang maong mga indibidwal kanhi regular NPA armed members sa Squad 2, FC3, CVRPC, NPSRL.
Gi-facilitate ang pag-surrender sa joint intelligence-driven combat operations.
Ang operasyon gipangulohan ni Police Lieutenant John Rey Olid sa Provincial Mobile Force Company ubos sa paggiya ni Police Lieutenant Colonel Mark Gifter Sucalit, force commander sa PMFC Bohol Police Provincial Office (BPPO).
Nihatag usab og intelligence support ang Provincial Intelligence Unit. Apil usab sa maong operasyon ang Candijay Municipal Police Station, Regional Intelligence Unit (RIU)-7 Bohol PIT, 47th Infantry Battalion (INF) PA, ug 32nd Military Intelligence Company (MICO)- 3rd Military Intelligence Battalion (MIB) sa 31st Division PA.
Ang kanhi NPA members ipresentar sa Local Government Unit sa Lungsod sa Candijay.
Iproseso sila pinaagi sa Kauban sa Reporma Program (KRP), usa ka localized version sa national Enhanced Comprehensive Local Integration Program (ECLIP) ubos sa Executive Order No. 27 Series of 2023 nga gipirmahan ni Gobernador Erico Aristotle Aumentado.
Mahimo sab silang mo-qualify sa ubang government programs nga nagtinguha sa pag-assist og mga kanhi rebelde sa ilang reintegration sa society. BDB BANAT NEWS
- Latest
