CEBU, Philippines — Taxi driver nga niiswag sa barrier aron makalikay sa traffic sa dakbayan sa Mandaue nangayo og pasaylo.
Si Philip Adormio, 24 anyos taga Talisay City og driver sa Black Taxi ang nitangtang sa road barrier kun ali sa karsada sa may M.C Briones Street aron makalikay sa traffic.
Suma pa ni Adormio nga napugos siya pagsibog sa plastic barrier tungod kay ang iyang pasahero nga babaye nag apas sa iyang biyahe.
Dugang pa sa maong driver nagdali ang maong pasahero tungod kay ang inahan niini adunay medical emergency.
Si Adormio giisyuhan ug citation ticket tungod sa kalapasan sa reckless driving, no u-turn violation ug obstruction sa traffic ug kini mobayad og multa sa iyang nahimo nga kalapasan ug sa uban niini nga pending violations.
Ang Traffic Enforcement Agency of Mandaue niawhag sa mga motorista nga sa kanunay mosunod gayud kung unsay gisitar sa balaod aron paglikay nga sila makamulta.
Sa nasayran nikatap sa social media ug nag viral ang video kabahin sa maong insidente. (BANAT NEWS)