Mayor Degamo dismayado pagbakwi sa house arrest batok ni Teves

A photo of Negros Oriental Gov. Roel Degamo.
Governor Roel Ragay Degamo's Facebook page

CEBU, Philippines — Nadismaya ang biyuda ni kanhi Negros Oriental Governor Roel Degamo nga si Pamplona Mayor Janice Degamo sa pagpagawas og balik sa gipalagpot nga kongresista nga si Arnie Teves gikan sa  pagka house arrest niini didto sa Timor Leste.

Kini human gitugotan sa Timor Leste Court ang writ of habeas corpus sa kampo ni Teves.

Ang abogado ni Teves una nang namahayag nga dili aresto ang nahitabo kondili kustodiya lamang samtang giproseso pa ang ekstradisyon niini pabalik sa Pilipinas ug ning bag-o, gipagawas kini og balik sanglit dunay depekto sa ekstradisyon niini.

Apan ang biyudang Degamo sa iyang bahin gusto nga magpadayon ang house arrest o mas maayo pa gyud para niya kun ibutang kini sa police custody.

Si Teves maoy gitumbok nga mastermind sa masaker nga nahitabo Marso 4,2023 diin gipatay ang bana ni Degamo nga si gobernador Roel Degamo ug laing siyam ka mga tawo.

Hinuon bisan pa sa iyang pagka dismaya nakasabot siya sa desisyon sa korte ug iyaha kini nga girespeto.  Malaumon si Degamo nga higpit ang pagbantay nila kang Teves nga dili kini makasibat ug laing nasud samtang giproseso ang ekstradisyon kaniya pabalik dinhi sa Pilipinas aron atubangon ang mga kasong gipasaka kaniya. — /IBM (BANAT NEWS)

Show comments