CEBU, Philippines — Nadakpan ang usa ka high value individual ug kauban niini sa gihimong buy-bust operation sa Provincial Intelligence Unit sa Cebu Police Provincial Office (CPPO) sa Purok Acacia, Barangay Dumlog, Dakbayan sa Talisay.
Ang nadakpan mao sila si Efren Fernandez Alcarez, 32, dunay kaipon og residente sa Sitio Magay, Barangay Tangke, Talisay City ug Jundy Mabaje Rafanan, 24 anyos, nagpuyo sa Sitio Kilawan, Barangay Tangke, Talisay City.
Nakuha gikan sa mga dinakpan ang 180 gramos sa gituohang shabu nga nagkantidad og P1.2 million.
Nasayran si Alcarez giingong construction worker ug bodegero sa illegal nga drugas samtang si Rafanan usa ka e-bike driver.
Gipaubos kini og usa ka semana nga monitoring human makadawat og impormasyon ang mga operatiba nga nalambigit kini matod pa sa illegal nga drugas.
Nahibaw-an nga maka dispose ang suspetsado og usa ka kilo sa illegal nga drugas sa usa ka semana.
Kasong kalapasan Section 5 ug 11, Article II sa Republic Act 9165 ang ipasaka batok sa mga suspetsado. (BANAT NEWS)