CEBU, Philippines — Nadakpan sa mga operatiba sa Provincial Intelligence Unit sa Cebu Police Provincial Office ang usa ka ex-convict atol sa ilang buy-bust operation sa Barangay Mohon, Lungsod sa Sogod, kagahapon sa alas 2 sa kaadlawon.
Ang suspetsado mao si Ricardo Montebon Certifico, usa ka ex-convict ingon high value individual, 39 anyos, residente ra usab sa naasoy nga lugar.
Nakuhaan ang suspetsado og og 75 gramos sa gituohang shabu nga nagkantidad og P510,000.
Usa ka semana nga gipanid-an ang suspetsado human nakadawat og impormasyon ang kapulisan nga nalambigit kini sa illegal nga kalihukan.
Kasong kalapasan sa Section 5 ug 11, Article II sa Republic Act 9165 ang ipasaka batok sa suspect.-- (CEBU NEWS)