Gidunggab, gidakdakag bato

CEBU, Philippines — Patay ang usa ka 40 anyos nga lalake human gituohan nga gidunggab unya gidakdakan og bato ang ulo diha sa Sitio Agpasan, Barangay Binaliw, Siyudad sa Sugbo, Domingo sa gabii.

Ang biktima mao si Dante Cola, 40, residente sa Sitio Yellow Bells, Barangay Panoypoy, Lungsod sa Consolacion.

Matud ni Police Major Alvino Enguito, hepe sa Talamban Police Station patay na nga nag-ubo ug nagkadugo ang ulo sa biktima sa dihang ilang naabtan.

Sa paghiling sa SOCO sa pata’ng lawas  nasuta nga duna kini usa ka samad dinunggaban, gituohan sab nila nga gidakdakan og bato ang ulo niini sanglit dunay nakitang bato kilid niini.

Nasayran ang biktima napriso na kaniadto, apan wala pa matino kun unsa ang iyang kaso ug nganong nakagawas kini. Nasuta nga namista sa mga paryente sa Barangay Binaliw ang biktima ug gisugo kini sa pagpalit og ilimnong makahubog apan wala na makabalik. Patay na kini sa dihang napalgan.

Wala’y nakakita nga adunay kagubot nga hitabo sa lugar,  hinoon si Enguito miingon nga duna na sila’y duha ka persons of interest apan dili una sila kabutyag sa detalye sanglit padayon pa ang ilang imbestigasyon. (BANAT NEWS)