Dugang mga barangay drug –cleared na sa regional oversight committee

CEBU, Philippines — Dugang lima ka mga barangay sa Siyudad sa Mandaue ang gideklarar nga drug-cleared sa Regional Oversight Committee on the Barangay Drug Clearing program sa kagamhanan niadtong miaging Biyernes Abril 12, 2024

Nunot niini ang oversight committee, misugyot sa Philippine Drug Enforcement Agency (PDEA), nga ang Department of Interior and Local Government (DILG), ang Philippine National Police  ug ang Department of Health (DOH), moluwat sa maong deklarasyon alang sa pag-ila sa lima ka mga barangay sa dakbayan nga drug-cleared na niining mga panahona

Sa gihimong Zoom deliberation nga gisalmutan nila ni Atty. Ebenezer Manzano nga maoy action officer sa Mandaue City Anti-Drug Abuse Council (MCADAC) uban ni Konsehal Oscar Del Castillo nga maoy chairman sa  Committee on Peace and Order, ug mga opisyal gikan sa lima ka mga barangay nga gideklarar nga drug-cleared barangay human usab sa paglampus sa mga mga nalambigit sa illegal  nga drugas sa drug Rehabilitation isip intervention nga gihatag ngadto kanila sa kagamhanan.

Duna nay unang 13 ka mga barangay sa siyudad ang drug-cleared, ang siyudad dunay 27 ka mga barangay.

Si Mayor Jonas Cortes mihangop sa maong kalamboan ug nagtinguha nga ma drug-cleared ang siyudad .

 Samtang nadugang sab ang Barangay San Roque, Dakbayan sa Talisay nga gihulagway sa kapolisan nga tungod kini sa paningkamot sa siyudad pakigbatok sa ginadiling drugas.

Samtang gideklarar sab nga drug cleared ang Barangay Campo 8 sa lungsod sa Minglanilla.(BANAT NEWS)