124 ka polis sa MCPO gidestino isip environmental police
CEBU, Philippines — Giila isip mga environmental police ang 124 ka mga sakop sa kapolisan sa Mandue City Police Office (MCPO) human sa pag-renew sa ilang deputation sa kagamhanan sa siyudad sa Mandaue niadtong miaging adlaw.
Ang maong mga polis sa MCPO gitahasan sa pagdakop sa mga molopyo nga makalapas sa environmental laws ug mga lokal nga ordinansa nga naglambigit sa pagpanalipod sa kalikopan nga gihingusgan karon sa pagpatuman sa kagamhanan sa dakbayan.
Sa gihimo nga deputation renewal ceremony nga gipahigayon sa MCPO grounds sa Barangay Centro mitambong sila si Konsehal Nerissa Soon-Ruiz ug Architect Araceli Barlam nga maoy pangulo sa Mandaue City Environment and Natural Resources Office (MCENRO).
Naglakip sa mga ordinansa nga gihingusgan sa pagpatuman mao ang kabahin sa pagpanalipod sa kalikopan sama sa pagdili sa pagpataka og labay sa basura, pagpataka og pangihi ug uban pa.
Ang madakpan isyuhan og citation ticket ug makabayad og multa. (BANAT NEWS)
- Latest
