CEBU, Philippines — Office of the Building Official, nisugyot og pipila ka mga bag-ong policy lakip na usab ang plano sa pag institutionalize sa One-Stop Shop for construction permits sa siyudad.
Kini ang gibutyag ni Achitect Florante Catalan, ang pangulo sa OBO.
Matud pa ni Catalan, pipila sa ilang mga gisugyot nga policy gituki na karon sa City Council ug usa niini ang gisugyot sa OBO nga mao ang “One-Stop Shop for Construction Permits” nga ordinansa. Ang maong ordinansa magkinahanglan ang kagamhanan sa siyudad nga adunay usa ka dapit diin adto iproseso ang mga tax declarations ug clearances ug uban pa.
Ang maong gisugyot nga ordinansa mao ang pagsunod sa Joint Memorandum Circular No. 2018-01, og aron kini mapalig-on kinahanglan anaa gayud ang ordinance.
Si Konsehal Rey Gealon maoy nangamahan sa maong ordinansa og gi-review kini alang sa unang pagbasa, sumala pa ni Catalan.
Kahinumduman sa nilabay nga tuig, nipagawas og memorandum si Mayor Mike Rama nga nagmugna og online service task force sa city hall. MEL BANAT NEWS