CEBU, Philippines — Dili mominos sa 108 ka mga trabahante sa Lapu-Lapu City Hospital nga gipangulohan sa ilang Officer in Charge Dr. Deborah Ann Custodio ang gipaubos sa surprise drug-test sa City of Lapu-lapu Office for Substance Abuse Prevention (CLOSAP) kagahapon sa buntag.
Ang CLOSAP nga gipangulohan ni Garry Lao nihimo niini subay sa giluwatan nga Executive Order ni Mayor Junard ‘Ahong’ Chan nga nag promote isip drug-free workplace.
Si Lao nibutyag nga ang tumong sa maong drug test aron sa pagsiguro nga walay empleyado sa gobiyerno ug sa city hospital nga nalambigit sa pagamit sa ilegal nga drugas.
Dugang pa ni Lao, mao kini ang unang higayon nga ang city hospital employees ug staff gipaubos sa drug test. Ang resulta sa maong drug test mahibaw-an pipila ka adlaw gikan kagahapon.
Niadtong nakalabay nga buwan, 926 ka mga individuals gikan sa barangay staff ug personnel ang gi-drug test ug 25 nila ang positibo ug na terminate na sa trabaho. (BANAT NEWS)