CEBU, Philippines — Gitinguha karon sa kapolisan sa Lungsod sa Cordova ang pagbaton og zero street crimes nunot usab sa padayon nilang gihingusgan nga police visibility sa nagkadaiyang lugar sa lungsod sulod sa 24 oras.
Aron mahatagan og hugot nga seguridad ang mga molopyo sa kabarangayan ilang gipakatap ang PNP beat patrollers, mobile patrollers ngadto sa mga hilit ug mingaw nga mga lugar.
Suma pa ni Police Major Michael Gingoyon, hepe sa kapolisan sa Cordova nga gihingusgan usab nila sa pagpatuman ang checkpoint ug ang curfew sa mga minor de edad.
Tumong niini aron kapugngan nga mahitabo ang krimen tungod kay naa man kanunay ang presensya sa kapolisan.
"Together, let's aim for zero street crimes, fostering a community where safety is paramount."nagkanayon si Police Major Gingoyon. (BANAT NEWS)