CEBU, Philippines — Nagpadayon karon ang buhatan sa Traffic Enforcement Agency of Mandaue (TEAM) sa ilang gipasiugdahang Oplan Baklas sa mga sticker nga nagdala sa logo sa Philippine National Police (PNP) ug TEAM sa Siyudad sa Mandaue.
Gihimo kini nunot sa higpit nga pagdili sa pagpapilit o pag-display sa maong mga sticker ilabi na sa mga gipanag-iya nga mga pribadong sakyanan o mga motorsiklo
Si TEAM Assistant Department Head Hyll Retuya nagkanayon nga ang pagbutang sa maong matang sa mga sticker sa mga pribadong sakyanan o motorsiklo makahatag og kalibog sa mga tawo ug magtuo nga ang nagsakay niini adunay katungdanan sa gobiyerno.
Ang tag-iya sa sakyanan nga nagbutang sa maong matang sa sticker ang sikopon o i-impound ang gidala nga sakyanan.
Ang Oplas Baklas adunay koordinasyon sa mga sakop sa kapolisan sa Mandaue City Police Office (MCPO) ug kini natigayon pinagi usab sa giluwatan nga kamandoan ni Edwin Jumoa-as, TEAM executive director. BDB BANAT NEWS