CEBU, Philippines — Bag-o na ang hepe sa kapolisan sa mga lungsod sa Bantayan, Pilar, Alegria, Borbon ug Poro diin gipahigayon ang turnover ceremony kagahapon diha sa conference room sa Cebu Police Provincial Office (CPPO).
Gipangulohan ni Police Colonel Percival Zorilla, direktor sa CPPO ang assumption ceremony diin nitambong usab niini sila si Police Lieutenant Colonel Tomas Santander, deputy provincial director for administration, Police Lieutenant Colonel Randy Caballes, deputy provincial director for operations ug uban pa.
Si Police Lieutenant Colonel Leo Ty mao na karon ang officer-in-charge sa Bantayan Municipal Police Station; si Police Captain Crisanto Arreglo sa Pilar Municipal Police Station; Police Captain Michael Echavez sa Alegria Municipal Police Station; Police Captain Gerry Antopina sa Borbon Municipal Police Station ug Police Captain Marlon Adao sa Poro Municipal Police Station.
Nagpasalamat si Zorilla sa mga kanhi hepe sa maong mga police stations sa ilang serbisyo.
Nimando usab kini sa mga bag-ong nilingkod nga mga hepe nga serbisyohan ang katawhan sa nahisgutang mga lungsod. (BANAT NEWS)