CEBU, Philippines — Gihatagan og kutob karong kataposan ning buwan sa Enero ang mga tag-iya og patigayon sa pagbayad sa ilang buluhisan.
Kini human sila napakyas pagbayad atol sa deadline niini niadtong Enero 20, 2024
Ang Office of the City Treasurer nipahibawo human sa deadline nga aduna silay extension niini nga i anunsyo pinaagi sa News and Information page sa City Hall.
Sa makausa pa ang mga tax payers gipahinumduman nga mobayad sa ilang buhis aron paglikay sa penalties.
Segun sa pahibawo, nga gihatagan na og igong panahon ang mga business owners sa pagbayad sa buhis tungod kay ang pag proseso sa Mayor's business permits alang sa tuig 2024 ingon man ang pag–isyu ug special permits gisugdan niadto pang Enero 4, 2024.
Alang niadtong mapakyas gihapon sa pagbayad human sa paglugway sa deadline mapahamtangan na og penalty.
Base sa impormasyon nga gipagawas sa CCTO adunay 25% surcharge sa kinatibuk-ang amount sa bayranan ug 2% interest matag buwan apil na ang surcharges apan dili molapas sa 72% ang ipatuman ang CTO midasig usab sa mga business owners nga mohimo sa ilang renewal sa business permits gamit ang online portal:(https://www.cebucity.gov.ph).
Alang niadtong walay access sa online mahimong makabisita sa Satellite Offices sa Cebu City Treasurer (CTO) ug sa Business Permit and Licensing Office(BPLO) nga nahimutang sa SM Seaside Cebu City alang sa South District ug sa Robinson's Galleria, Sergio Osmeña Jr.Blvd. Cebu City alang sa North District. — /MEL (BANAT NEWS)