CEBU, Philippines — Modawat na og mga pasyente ang labing una nga birthing center sa Lungsod sa Minglanilla.
Usa kini sa mga programa nga gipaningkamotan ni Mayor Rajiv Enad alang ngadto sa taga Minglanilla nga mga mabdos.
Ang maong birthing center anaa kini mahimutang sa Barangay Ward 1 sa maong lungsod.
Ilang gisiguro nga kompleto kini og kahimanan, limpiyo ug bukas kini 24 oras.
Ang mga mabdos mahimo na nga manganak sa ilang labing una nga birthing center nga gidumala sa mga midwife.
Sa pagkakaron ang ilang gidapit nga manganak kadto unang mga nakaagi na og panganak.
Nasayran nga dili libre ang pagpanganak sa birthing center sa Lungsod sa Minglanilla apan ginagmay ra ang mabayran niini. (BANAT NEWS)