CEBU, Philippines — Gahibawo ni Dr. Lino Alanzado, pangu sa City Health Office sa Talisay nga mahimo na nga makakuha og flu vaccine sa Dakbayan sa Talisay. Matud pa ni Alanzado nga naobserbahan nila nga daghan gyud ang nakasinati og hilanat ug ubo karong panahona gumikan sab sa panahon nga pwerteng inita ug mokalit lang og uwan.
Iyang gidapit ang mga Talisaynon nga magpabakuna aron ka protektahan sa hilanat.
Si Talisay City mayor Gerald Anthony “Samsam” Gullas miingon nga siya gyud ang nagrequest niini ngadto sa Department of Health (DOH-7) aron mahatag kini nga libre sa mga Talisaynon.
Si bise mayor Richard Francis “Choy” Aznar, chairman sa committee on health nitataw nga ang magpabakuna mahimo lang moadto sa ilang barangay o ba kaha sa Rural Health Unit.
Ilang giklaro nga ilang gianam-anam lang sa pagkuha ang vaccine ug sa sunod tuig ila kining dad-on sa pagbisita nila sa kabarangayan. (BANAT NEWS)